SNF ja EHBF-Euskal Herriko Bilgune Feminista (Báskaeatnama nissonsearvevuohta) oassálastte Women’s Worlds’08 doaluin Espánja oaivegávpogis Madridas, lágidit oktasaš semináraža čilget organisašuvnnamet ja rahčamušaideamet birra ollašuhttit vuoigatvuođagáibádusaid unnitčeardda- ja eamiálbmogin ja nissonolmmnožin.

Norgga Olgoriikkadepartementa ja Norgga Sámediggi juolludedje ruđa SNF ja EHBF oktasaš doaluide ja oassálastimii. Prošektii gullá velá SNF ja EHBF bargguid birra girjjáš, mii almmuhuvvo máŋgga gillii. WW ’08-doalut ledje suoidnemánu 3.-8-b. Madrid Universitehtas, ja čohkkii 2000 oasseváldi boahtán miehtá máilmmi, eatnašat dieđus nissonolbmot. Eamiálbmotnissoniid dattege váillaheimmet.

SNF ja EHBF oktasaš semináraža sáhkavuoruid dolle SNF beales: Minna Rasmus, Oulu, Suoma beal Sámis, Ellacarin Blind, Ubmi, Ruota beale Sámis, Gudrun Eliissá E Lindi, Kárášjohka, Norgga beal Sámis ja Elise Valkepää, Gárasavvon, Ruota beal Sámis, guhte čilgii Sámi-Maya ovttasbarggu. EHBF beales Izaskun Guarrotxena, Bilbao, čilgii. EHBF beales leigga velá mielde Edurne Epelde Pagola, Zarautz, ja Aurkene Markuerkiaga, Bilbao.
Minna Rasmus ja Ellacarin Blind metro fárus jođus universitehta báikái lágidit SNF ja EHBF oktasaš semináraža "Indigenous and Minority Women’s Activism and Struggle for Self-Determination".
Gudrun E E Lindi ja Elise Valkeapää. Madridas lei báhkka beaivvadat, ja sámenissonat ledje gávtti coggan.
Gudrun E E Lindi ja Elise Valkeapää. Madridas lei báhkka beaivvadat, ja sámenissonat ledje gávtti coggan.
Beaivvi ovdal go semináraža doalaimet: EHBF ja SNF deaivvadan Madrid Universitehtas, viehkamin fakultehtavisttiid gaskkas iskamin gávdnat gos min semináralatnja lea. Ii lean álki, konferánsaprográmmas ledje oasi boastut prenten, eai lean doarvái bures dihkkádan vai deaivat iešguđet fakultehtaide ja lanjaide, ja dieđuid almmuhedje seinniide eanaš dušše espánjagillii. Konferánssa váldogiellan ledje espánja- ja eaŋgalsgiella.