Petra Biret Magga: Ellos sámi mánáid kultuvra!
Petra Biret Magga lea sáhkavuorus gohčodan ”Elles sámi mánáid kultuvra!”. Sáhkavuorru lea SNF semináras “Sielu ráfi: Dearvvasvuohta, Biras, Bajásšaddan” Roavvenjárggas 31.10.-02.11.08.
Su sáhkavuorru lea Sámi Mánáid Kulturguovddáža barggu vásáhusaid vuođul, Suoma beal Sámis. Mo stohket ja ellet sámemánát dál ? Jagis 2004 álgán prošeakta: Sámi Mánáid Kulturguovddáš – lea go buktán bohtosiid servodahkii ja eandalit mánáide. Makkár niestti sámemánná dárbbaša boahtte áigái?
Petra Biret Magga lea Suoma Sámi ravdaguovllus Vuohčus eret. Skuvlejupmi: Pedagogihka magistter/ Luohkáoahpaheaddji Lappi universitehtas. Barggut: Oahpaheaddjin, ja 2004 čavčča rájes Sámedikki Sámi Mánáid Kulturguovddáža prošeaktajođiheaddji. Unna Junná sámemánáid tv-prográmmajođiheaddji 2007 čavčča rájes. Eará: Juoigi, sámediggelahttu nuppi áigodagas, Vuohču Sámiid Searvvi várreságajođiheaddji.