Sámiid áirasiid válljen riikkaidgaskasaš eamiálbmot-orgánaide
Sámiid áirasiid válljen riikkaidgaskasaš eamiálbmot-orgánaide, omd. ONa Eamiálbmotáššiid Bistevaš Forumii.
SNF jahkečoahkkincealkámuš nr. 5:
Sámi áirasiid válljen ferte dáhpáhuvvat rabas forumas ovddalgihtii almmuhuvvon demokráhtalaš proseassaid bokte. Ovdal go mearrádus dahkko, fertejit árrat juo válgaproseassas leat almmuhuvvon sihke almmái- ja nissonolbmuid namat, nu ahte nissonolbmuin ja albmáin leat seamma vejolašvuođat válljejuvvot.
SNF-Sámi NissonForum, čoagganan jahkečoahkkimii Roavvenjárggas Suomas skábmamánu 1.-2.b.2008, šálloša go sámi nissonorganisašuvnnaide ii áddo vejolašvuohta váikkuhit mearrádusain sámi álbmoga dehálaš orgánain, nu go Sámiráđi ja Sami parlamentáralaš Ráđi mearrádusain, ja nu ii leat váldi váikkuhit vai šaddá dásseárvosaš sohkabealáirrastupmi ja vai nissonpolitihkalaš beroštumit ovddiduvvojit.
SNF čoahkkimis Roavvenjárggas: Gurut beal ravddas Valentina Sovkina, dasto: Zinaida Loskutova, Roza Jakovleva (guhte 2007 oaččui SNF bálkkašumi), Larisa Abryutina, Tiina Sanila-Aikio ja Anna Igontova.