SNF-Sámi NissonForum Norgga sáttatgotti mielde Arktalaš Ráđi SAO-čoahkkimis Guovdageainnus 19.-20.11.2008. Annele Gaup, Guovdageaidnu, ovddasta SNF.

SNF oassálastá vuosttas geardde dán forumas. SNF:as ii leat miige stáhtus Árktalaš Ráđis (Sámiráđđi ovddasta sámiid Árktalaš Ráđis), muhto go sierra jearaldaga sáddiimet Norgga olgoriikkadepartementii, de leat sii mieđihan SNF:ii saji norgga sáttatgoddái.

Min jearaldaga mielde sáddiimet velá SNFa varas jahkečoahkkincealkámuša (vuollelis dán siiddus, cealkámuš nr. 5). SNF deattuhii ahte lea váidalahtti ahte nissonorganisašuvnnain ii leat vejolašvuohta searvat ii ge váikkuhit Arktalaš Ráđi orgánaid eamiálbmogiid guoskevaš bargui. 

SNF lea ilus go dál sáhttit oassálastit.  SNF áigu joatkit bargat vai min organisašuvdna sáhttá oassálastit velá eará oktavuođain ge, vai nissoniid dilli ja sohkabealdásseárvu oidnošii Árktalaš Ráđi áššelisttain.  Seamma dehálaš lea SNF mielas bargat dan ala ahte eará guovlluid eamiálbmotnissoniid jienat gullojit Árktalaš Ráđi barggus.  

SNF beales oassálastá nuorra boazodoallonisu ja SNF stivralahttu Annele Gaup, Guovdageainnus eret.

Árktalaš Ráđi neahttasiidu:  http://www.arctic-council.org/