SNF-Sámi NissonForum lágida seminára “Sámenissonat girjjálašvuođas ja oskkus” vahkus 40/2009 Romssas, Norgga bealde. Doalut leat biddjon dan vahkui go Ordkalotten-girjjálašvuođafestiválage lágiduvvo Romssa gávpogis www.ordkalotten.no

SNF 2009 Jahkečoahkkin dollo seminára oktavuođas. Dan mearridii SNF mannan jagi jahkečoahkkin skábmamánu 1.-2.b. 2008 Roavvenjárggas.

Doaluide válljejuvvui lávdegoddi, mas leat mielde: SNF stivralahttu May-Lisbeth Myrhaug, Oslo, guhte jođiha lávdegotti, Rauni Magga Lukkari, Romsa, ja Annie Henriksen, Hámmarfeasta.

Avžžuhat miellahtuid buktit árvalusaid seminára ja jahkečoahkkima sisdollui, ja dárbbašat maid veahki praktihkalaš lágideapmái.

SNF lágida seminára “Sámenissonat girjjálašvuođas ja oskkus” Romssa gávpogis 2009 čavčča. Govas Romssa gávpotguovddáš.