Bures boahtin seminárii ”Vuosterávdnjái hávgajávrris!”

Rabas seminára Kárášjoga kulturviesus, vuosárgga. njukčamánu 02.03.2009 di. 18-21.
Di. 17 rájes: Kafeá, govvačájáhus, girjevuovdin ja –nammačállin.
• Prof. Berit Ås: Ávvologaldallan ”Jurddašeaddji nissonolbmot – gávdnojit go sii?”. Su 80 jagi-doalut lea johtin birra Norgga. Áidna galledanbáiki Nesna davábeal davvi-Norggas ja Sámis lea Kárášjohka!
• 20 jagi sámi nissonmobiliserema birra, Laila Somby Sandvik ja Gudrun E E Lindi
• Paneladigaštallan: Berit Ås ja sámediggepolitihkárat, NSR: Aili Keskitalo, SáB: Terje Tretnes, Bargiidbellodat: Bjarne Store-Jakobsen ja Johttisápmelaččaid Listtus.
• Dearvvuođat Berit Ås:ii. Guoimmuheapmi.
Čoahkkinjođiheaddji: Vigdis Stordahl.
Sámi-/dárogiel simultánadulkon. Kárášjoga Nisson- ja Bearašsearvi lágida kafeá.
Lág.: Norge Rundt med Berit Ås / SNF-Sámi NissonForum

Duogáš:Cuoŋománu 10.b 2008 devddii sosialpsykologa professor Berit Ås 80 jagi. Cuoŋománu 10. beaivái 2009 lea son Norgga-mátkkis logaldallat ja ávvudit!
Berit Ås birra:
Vuosttas nissonolmmoš bellodatjodiheaddjin Norggas (1973 Demokratiske sosialister) ja Sosialisttalaš Gurotbellodaga vuosttasjodiheaddji. Nissonáššiid, ráfiáššiid, duhpátdutkama, johtolatdutkama j.e. áŋggirdeaddjin. Vuostáiváldán gonagaslaš ánsumedáljja: St. Olavs orden, ridder av 1. klasse.
Iešgudet máilmmečiegaid máŋggáid universitehtaid gudnedoavttir.
Ávvomátki álggii “Gamle Logen”:is Oslos 420 movttegis gussiin, gudet su ávvudedje. Sáhkavuoruid dolle ee. Kristin Halvorsen, Berge Furre, Valgerd Svarstad Haugland ja Gudrun Schyman.

Ávvojagis leat ilbman njeallje girjji ja guokte filmma Berit Ås:as:
• Norgga Riika-tv dagai filbmadokumenteara su 80-jagibeaivái cuoŋománu 10.b. 2008.
• Ami Lönnroth čállán girji “Förbannad är jag ganska ofta” (Hárbman gal lean viehka dávjá), Ordfront lágádus Ruoŧas.
• Ebba Haslund čállán girji “Ild fra Asker, et portrett av Berit Ås” (Dolla Asker:is, Berit Ås portreahtta) Pax lágádusas, Norggas
• Janne Amble ja Linn Norberg dagaiga filbmadokumenteara “Å leve forut for sin tid” (Eallit ovddabeale iežas áiggi).
• Girji ”Vikingadotter – Historjjálaš trilogiromána mas lea Berit Ås eallin vuođđun” maid Anette Utterbäck lea čállán, ALF lágádus, Ruotas.

• Odasmahtton Berit Ås čállán girji “Kvinner i alle land – en håndbok i frigjøring” (Vuosttas geardde ilbman 1970-logus), bodii dán jagi guovvamánus, Aschehoug 2009. Dagbladet válljii girjji deháleamos maŋŋil soadi áššeprosa girjjiid searvvis ovccát sadjái (25 girjjis). Trond Giske ge lea rámidan girjji muhtun ártihkkalis dáro áššeprosa birra.SNF-Sámi NissonForum dáhttu čalmmustahttit –
• 20 jagi sámi nissonmobiliserema 1989-2009 ja ahte dán jagi lea 20 jagi vuosttas sámediggeválgga rájes Norggas, dalle go Kárášjoga Sámiid Nissonolbmuid Lista vuođđuduvvui. Lista lea maŋŋil heaittihuvvon.
• Berit Ås 80 jagi doaluid ja 20 jagi muittu dan rájes go son galledii Kárášjoga, miessemánus 1989, Sámiid Nissonolbmuid Lista vuođđudettiin ja Sáráhkká-Sámi nissonorganisašuvnna jahkečoahkkima áigge. Máŋgga gielddaid sámenissonat movttáskedje politihkalaš bargguide searvat maŋit jagiid, sii čoagganedje Kárášjohkii guovvamánu 6.-7.b. 1993 ja ceggejedje SNF-Sámi NissonForuma.

Kárášjoga doaluin dáhttut gudnejahttit Berit Ås ja seammás:
• čuvget sámi nisson- ja dásseárvopolitihka ovdáneami, geahčadettiin eará servodagaid bargguid nissonáššiid ovdii ja čujuhit ovdáneami nissonlistta ceggema rájes 1989 otnážii
• buktit ovdan oaiviliid ja mihttomeriid sámi dásseárvobarggu ja sohkabealáššiid hárrái, paneladebáhtas mas Berit Ås ja Sámedikki politihkárat oassálastet

SNF lea ohcan Sámedikkis ja Kárášjoga gielddas ruhtadoarjaga dáid doaluide, maid atnit dán jagáš nissonbeaivvedoallun Kárášjogas!
Seminára láhčá Sámediggái vejolašvuođa aktiivvalaččat searvat almmolaš dásseárvodigaštallamii, mii oidno leat okta dikki gieskat dohkkehuvvon Dásseárvodoaibmaplána strategiijan. Plána cealká maiddái ahte dásseárvu galgá heivehuvvot buot Sámedikki politihkasurggiide.
Danne lea Sámediggái dehálaš ahte gávdnojit arenat gos sáhttá oassálastit, nu go dát seminára. Doalut velá duddjojit gulahallama siviila servodagain, ja dat nanosmahttá dikki barggu joatkagis sohkabealdásseárvvu áššiin Sámis. Seminára duddjo ahte dát fáttát gullogohtet eanet almmolašvuođas.
Seminára áigumuššan lea oažžut áigái servodatdigaštallama sohkabealis ja dásseárvobarggus sámi servodagas, erenoamážit dan oktavuodas go dán jagi lea sámediggeválga.

Dearvvuodat lágideaddjiin:
“Norge Rundt med Berit Ås” www.hersketeknikker.no Inge Ås, mobiltel. 95722133 e-poasta: inge@iliana.no
SNF-Sámi NissonForum, Gudrun E. Eriksen Lindi, mobiltel. 95935626 e-poasta: gudrun.lindi@trollnet.no

Berit Ås girjenammačállimis Oslo “Litteraturviesus” cuoŋománus 2008. Govat: Gudrun E E Lindi.