kopia-av-kultasa-simma-2Åsa Simma (govas) logaldallá SNF-Sámi NissonForum semináras “Sámenissonat ja iešmearrideapmi”, Stockholmmas. Su logaldallan lea lávvardaga golggotmánu 16.b.2010 : “Hutkáivuohta (kreativitehta) ja dáidda lea maiddái friddjavuohta cealkit”.


 
Åsa Simma hállá das mo son lea geavahan sámi árbbi iežas hutkáivuođas, ja mo son dovdá ovddasvástádusa vuhtiiváldit kulturárbevieruid go ovddida dáidaga. -Mus lea vuoigatvuohta ođasmahttit árbevieruid seammás go mus lea ovddasvástádus ahte dat mii lea kulturárbbi álgu (eaktivuohta) ii jávkka. 
 
Åsa áigu muitalit vuoiŋŋalaš árbevierus, sámi filosofiijas, ja mo son dan máhtus atná ávkki iežas kreatiiiva proseassain. Son muitala ahte barggadettiin filmmain “Sieidi”, maid ieš čálii ja ráhkadii, son vásihii garra vuosttehagu filbmabarggu vuostá, muhto dovddai lagašvuođa iežas sámi máttuin, ja nu filbma šattai duohtan.
 
-Bargat dáiddárin lea iešalddis hástalussan, muitala Åsa, -danne go min bargu lea dahkat dan oaidnemeahttuma oidnosii. Jurdda dahje miellagovva (fantasiija) galgá albmanit fysalaš govvan, ja dat lea váttis. Mun in lihkostuvvá iežan proseassain jos sámi vuoiŋŋalašvuohta ii vuoigadahte dan maid mun dagan.  Sámi filosofiija duvdá mu ovddosguvlui hutkás proseassas, dat ealáskahttá mu, dadjá Åsa Simma.  
 
kopia-av-simma-1Åsa Simma (govas) lea dramaturga ja manusčálli ISF:as/Internationála Sámi Filbmaguovddážis Guovdageainnus, Son lea gieskat čállán ja rešisseren Ruoŧa Radioteáhterii bihtá mas lei sámi dálááigge fáddá, ja mas ledje sámi neavttárat váldorollain. Foto: Håkan Gidlöw, Norrbottens Kuriren