marjo-g-iiBEASI Doaibmadálus, Shell-viesus guovdo Kárášjoga-márkana

Maŋŋebárgga njukčamánu 8.b.di. 18-21

Čoahkkin: Nissonolbmo dearvvasvuohta – lea go mis ovttaárvosaš gielddalaš dearvvasvuodabálvalus, vai dáhpáhuvvá go vealaheapmi ?

Čájáhus: Marjo Galmaja čájáhus “Eanan, min eadni” dávista ođđa kulturguovddáža vuigŋii – ođđasisatnin lea váldo

 

Bovdet nissonolbmuid muitalit
Bovdet báikki nissonolbmuid muitalit gieldda dearvvasvuođabálvalusa váilevašvuođaid – dain oktavuođain go veadjá leat sáhka vealaheamis. Sáhttet leat váilevaš diehtojuohkin, heajos vásáhusat ja dikšofálaldagat ja eará buncaraggát. Vealaheapmi sáhttá dáhpáhuvvat sohkabeali, sohkabealidentitehta, doaibmangálgga, seksuála sojuid, agi, čearddalašvuođa, oskku ja giela dihtii.
 
Nissonolbmuin lea dávjá oapmahaččaid-rolla, ja danne áddejit ja dihtetge sihke iežas ja earáid dárbbuin ja vásáhusain báikkálaš dearvvasvuođabálvalusaid hárrái. Hástalat maiddái báikkálaš servviid geat áimmahuššet dearvvasvuođa- ja boarrásiid diliid, boahtit muitalit. 
 
Duogáš manne dákkár fáddá: Norgga Dásseárvo- ja vealahusáittardeaddji (DVA) háliida cuoŋo-/miessemánus lágidit báikkálaš čoahkkimiid dearvvasvuodabálvalusaid birra, gos searvvit deaivvadit báikkálaš politihkkáriiguin. Mii háliidat ahte LDO boahtá lágidit čoahkkima Kárášjogasge, ja dát lea dan duohkin ahte báikkálaš dásis cavgiluvvo. Mii sáddet DVA:ii dieđuid mat bohtet ovdan njukčamánu 8.b. deaivvadeamis.
 
Čájáhus: Marjo Galmaja čájáhus “Eanan, min eadni” dávista ođđa kulturguovddáža vuigŋii – ođđasisatnin lea váldo
Rahppo maŋŋebárgga njukčamánu 8.b.di. 18

Marjo Galmaja lea riegádan 1973 suoma beale Sámis, son lea sáme-, suoma- ja dárogielat, ja orru Kárášjogas. Marjo beroštuvvá oapmedávviriin dahkat ođđa dujiid, dávviriid ja dáidaga. Hutkáivuohta ja dáiddalašvuohta sus iđiha erenoamáš dáiddaduoji. Sus lea sierra Facebook-siidu: “Marjos bilder og gjenbruk”.
Su čájáhus ”Eanan, min eadni” čájeha govaid, stohpočiŋaheami ja ođđasisatnima. Čájáhus lea oaidninláhkai eanaš dalle go leat eará doalut viesus. Rahpanáiggiid boahtit almmuhit doaluin.

Ovddeš Shell-gávpi lea ođđa kulturguovddáš
Čájáhus dávista Shell-viesu vuigŋii. Viessu lea ovdal leamaš bensinstašuvdna, maid priváhta áŋggirdeaddjit leat oastán ja áigot viesu “ođđa atnui” kulturdoaibmadállun. Kárášjogas váilo dállu gos bargá seailluhit sámegiela ja -kultuvrra ođđa áiggis, ja gos vuhtiiváldá, dahká oidnosin ja ovdánahttá báikkálaš kulturárbevieruid. Jurdda lea viesu divodit ee. kursa- ja dáiddalaš doaimmaid ja nuoraiddoaimmaid várás.  BEASI searvi leá juo álggahan gielladikšunkafeá dán viesus.  Doaimmaid birra gávnnat dás: www.beassi.org
 
marjo-galmajaGovva: Boares pállat seaidnin: Marjo Galmaja garra barggus ceggemin čájáhusa Kárášjoga ođđa kulturguovddážii, gos ovdal lei Shell-bensengávpi.

 

 

 

 

 

 

marjo-g-ii1Govva (olgeš bealde):  Marjo eanaš njuohtá ákrylain, ja bidjá govvii vaikke geađggi, seaidnebáhpára, báiton girjesiiddu, serviehta, muorrabihttá ja hearvabátti – maid ihkinassii, dadjá ieš. –Govat čájehit mu iežan, gii mun lean, dadjá Marjo Galmaja, Deanuleagis eret suoma bealde.

Marjo miela miel lea maiddái ránes fielluiguin ja ruosta metállain buđaldit, muitala son. Son lea gieskat mannan duodjekurssa hárjánit sahá ja eará reaidduid atnit.  –Mii bálkestat nu ollu, dadjá Marjo, – juohke okta berrešii bisánastit ja veháš jurdilit. Nu sáhttit eatnama, min eatni, gádjut. 

Gulahallanolmmoš: Gudrun E E Lindi, SNF-Sámi NissonForum / BEASSI
E-poasta: snf@trollnet.no   Tel. 784 67 332 / 959 35 626