Odne lea 20 jagi dassái go Sámi NissonForum vuosttas geardde lei čoahkkanan, dat lei guovvamánu 6.-7.b. 1993 Kárášjogas, gos ásahuvvui fierbmádahkan. Vihtta jagi maŋŋil, 1998:s, SNF vuođđuduvvui sierra organisašuvdnan. SNF áigu dán čalmmustahttit riikkaidgaskasaš nissonbeaivvi, njukčamánu 8.b. SNF áigu maiddái ráhkkanit 15-jagi ávvudeami organisašuvdnan maŋŋil dán jagi, SNF jahkečoahkkima oktavuođas mii dollo Kárášjogas golggot- dahje skábmamánus.