Margge Uttjek Ny1SNF lea dál loahpahan prošeavtta «Eallit alkohola haga», maid ruoššabeale eamiálbmotnissonat vuolggahedje 2008-2009, ja maid Davviriikkaid ministtarráđđi, Norgga Sámediggi ja Barentsčállingoddi leat ruhtadan.

 

SNF dáhttu garrasit deattuhit ahte dárbbašat eanet duođaštuvvon dieđuid ja máhttoloktema veahkaválddálašvuođas sámi servodagain, lasi organiserejuvvon doaibmabijuid, lasi resursaid ja eandalit bistevaš ruhtadoarjagiid, mat sáhttet dahkat vejolažžan dárbbašlaš oktilas barggu eastadit ja unnidit veahkválddiáitagiid.

Mii diehtit ahte jugešvuohta bearrašis dávjá johtá giehtalagaid veahkaválddálašvuođain nissoniid ja mánáid vuostá. Dat áitá ja bilida máŋga nissonolbmo eallima ja dearvvasvuođa. Prošeakta čájeha ahte sámi servodagain leat dábálaččat nissonolbmot geat ovdanbuktet dáid áššiid, mat ain leat tabuáššit, ja nu de leat nissonolbmot guđet oainnusin dahket eiseválddiide ja servodahkii muđui ahte juoga ferte dahkkot. Odne, Sámiid álbmotbeaivvi, háliida SNF loktet njealji dáin sámenissoniin oidnosii bargguideaset dihtii ja sidjiide buktit dearvvuođaid – sii čájehit iežaset duogážiin ja iežaset bargosurggiin sámenissoniid máŋggabealát áŋggirdeami:

Risten R MaggaRistenrauna Magga, Njunnásis, Suoma bealde. Son lea guhkit áigge bargan buoridit sámiid sosiála dilálašvuođaid Suoma bealde, ja bargan ee. gárrenmirkogeavaheami vuostá. Son jođiha SamiSoster searvvi, mii vuolggaha ja čađaha sámi dearvvasvuođa- ja sosiálaprošeavttaid. Jagis 2012 son oaččui SNF ovdánahttinbálkkášumi.

 

 

 

 

 

 

 

 

Margge Uttjek Ny1Márgge Uttjek, Ubmis, Ruoŧa bealde. Son guorahalai mo veahkehivčče veahkaválddis áitojuvvon sámenissoniid Ruoŧas, Sámedikki prošeavttas Dorvu (2007). Dát lea mielde raporttas: Bemötande av våldsutsatta kvinnor som tillhör de nationella minoriteterna. Márgge bargá dutkanprošavttain das man láhkai sáhttá eastadit veahkaválddálašvuođa mat čuhcet nissonolbmuide ja mánáide sámi birrasis.

 

 

 

 

 

 

V Sovkina NY

 

Valentina Sovkina, Lujávri, Rošša bealde. Son lea rahpasit muitalan mo lei bajásšaddat ja eallit jugešvuođa birrasis, ja lea ovdamearkan das mo olmmoš ieš sáhttá váldit ovddasvástádusa iežas birgejupmái ja seammás nuppiidge loktet čuoččat. Son jođiha Guoládaga Sámi Sobbara, guoládatsámiid álbmotválljejuvvon ráđi.

 

 

 

 

 

 

 

 

Anne Merete GaupAnne Merete Gaup, Guovdageaidnu, Norgga bealde. Son lea gieskat almmuhan oanehisfilmma “Dolain stoahkat”, man fáddán lea veahkaváldi mas buohkat dihtet, muhto mas uhccán hállo. SNF lea su filbmabargui skeŋken 5000 ruvnnu ruhtadoarjjan. Son lea 30-jahkásaš studeanta Nordlándda dáidda- ja filbmafágaskuvllas, Kabelvågas.