SNF seminára “Sámenissoniid jietna Davviriikkain” ja jahkečoahkkin 2013

St. Elisabeth (“Bassi Eliissá”) Hoteallas Romssas, golggotmánu 25.-27.b. 2013. Davvisáme-, dáro- ja ruoššagiel simultánadulkon.

FUOM! Dieđihanáigi: Golggotmánu 7.b. 2013.  Jos áiggil dan dagat ja leat miellahttun, de SNF bargá dan ovdii ahte sáhttit ollásit máksit sihke du mátke- ja orrungoluid. Guhkemátkki oasseváldit idjadit dan fávdnágis St. Elisabeth Hoteallas, gos seminára ja jahkečoahkkinge lágiduvvojit.

Miellahtomáksámuš:

Norggas: 150 ru. mákso báŋkokontoi Postbanken 0540.06.51 819,

Suomas: 20 Euro  mákso báŋkokontoi POP Utsjoki 564173-23071, ja

Ruoŧas: 175 SEK  mákso báŋkokontoi Postgirot nr 178 04 62-6.

Oktavuođadieđut: Tel.  (+47) 959 35 626 / Sádde epoastta: snf@trollnet.no  dahje gaba@trollnet.no 

Poastačujuhus: SNF, P.b. 110, N-9735 Kárášjohka.                       Bures boahtin!

Seminára “Sámenissoniid jietna Davviriikkain” lágiduvvo St. Eliissá Hoteallas Romssas bearjadaga golggotmánu 25.b. ja lávvárdaga 26.b.  2013. Seminára prográmma álgá bearjadaga 25.10. di 09.30, ja bistá guokte beaivvi. Jahkečoahkkin dollo sotnabeaivvi golggotmánu 27.b. ja nohká di. 15.

Dán jagi lea 20 jagi dassái SNF vuođđuduvvui fierbmádahkan, ja 15 jagi das rájes go šattai organisašuvdnan.  Semináras leat ee. logaldallamat, čájáhallamat, ságastallamat ja  joavkobarggut – ovddidan dihtii gulahallama ja ovttasbarggu sámi nissonolbmuid áššiid ja sohkabealdásseárvoáššiid hárrái.

Romssas lágidat maiddái ávvudoaluid ja  juohkit jahkásaš SNF ovdánahttinbálkkašumi, symbolalaš 1000 ru.-bálkkašumi ja diploma – man oažžu eat almmut ovdal das ja dalle.

Eanet dieđut prográmmas bohtet  dán siidui. Miellahtuide sáddejuvvo gaskaboddosaš prográmma ja dieđihanskovvi.  SNF máksá din orruma St.Eliissá Hoteallas.

Ávžžuhat lahtuid farggamusat ordnet mátkki Romsii.  Bivdit ahte sáddet mátkerehkega maŋŋil doaluid, muhto eat dieđe vel man muddui/man stuorra oasi juohkehačča mátkegoluin SNF bastá máksit. Danne ávžžuhatge din mátkkoštit hálbbimus lági mielde.