Sámekonferánsa 2008 mearridii Elsa Laula Renberg riegádanbeaivvi almmolaš sámi flávdabeaivin. Mii son de dasto geavai?

Sámiráđi miellahttoorganisašuvnnaide ja sámedikkiide njealji riiikas
Manne Elsa Laula Renberg (1877-1931) riegádanbeaivi velá ii leat virggálaččat dohkkehuvvon almmolaš sámi flávdabeaivin? Dán dilis leat 2015:s, vaikke Sámiráđi miellahttosearvvit leat dorjon SNF evttohusa 2008:s juo, Roavvenjárgga-konferánssas.
SNF ovddidii evttohusa vuosttas geardde 15 jagi dassái, jagis 2000. Evttohus meannuduvvui 2008-Sámekonferánssas, gos njealji riikka sámi váldosearvvit (Sámiráđi lahttosearvvit) dorjo evttohusa ovttajienalaččat.
SNF jahkečoahkkin atná skándalan ahte Sámiráđđi ja sámedikkit čieža jagis eai leat fuolahan ahte mearrádus duohtandahkko. SNF lea máŋgii ovddidan jearaldaga dán áššis, dan sáhttá oaidnit dás
SNF áigu ráhkkanit oasálastit 1917-čoahkkima 100-jagi ávvudeapmái Troanddimis. SNF:s lea ain doaivva ahte vástideaddji sámi orgánat jagi 2017 rádjai leat doaimmahan dan mii dárbbašuvvo vai Elsa Laula Renberg riegádanbeaivi duođaid lea šaddan almmolaš sámi flávdabeaivin.
SNF jahkečoahkkin oaivvilda ahte Elsa Laula ánssáša dán stuorra gudni: ahte su iežas álbmot lahttuda su riegádanbeaivvige, skábmamánu 29.b., sámi flávdabeaivin. SNF diehtá ahte Norgga Báŋku gudnejahttá ieš 2017-ávvudeami muitominttain.
SNF jahkečoahhkkin imašta ja ferte jearralit: Livččii go ášši ná healbaduvvon jos son guhte 1917:s láidestii lágidit vuosttas oktasaš sámi čoahkkima Troanddimis livččii lean almmáiolmmoš – ja son de lei evttohuvvon gudnejahttojuvvot??
Sámi Nisson Forum (SNF) jahkečoahkkincealkámuš nr 1, Ubmeje, njukčamánu 7.-8.b. 2015.

SNF stivra:
Alexandra Artieva, Lujávri
Neeta Jääskö, Anár, dál Oulu
Risten Lango, Šuoššjávri,dál Skarnes
Gudrun E E Lindi, Kárášjohka
Märgge Uttjek, Ubmeje