SNF jahkečoahkkin 2015 ávžžuha eiseváldddiid doarjut min vuoigatvuođaid eallit ja ovdánahttit árbevirolaš eallinvuogimet, mii áitojuvvo plánejuvvon ruvkedoaimmain Gállohis, Biedjovákkis  ja Riehpovuonas.  

Viiddis sisabahkkemat historjjálaš boazoguohtunduovdagiidda ja eanančázi ja vuonaid nuoskkideapmi fuolastuhttet, ja gáržžida min vejolašvuođa eallit eallinvuogimet mielde.

Lassánan nuoskkidanhivvodagat eallámušráidduin leat dagahan lasi birasmirko- ja lossametállahivvodagaid olbmo rupmašii, mii de eanemusat čuohcá mánáide.

Danin SNF jahkečoahkkin vuostálastá ruvkedoaimmaid nuoskkideami ja sisabahkkemiid Sámi lundui.

 

Sámi Nisson Forum (SNF) jahkečoahkkincealkámuš nr. 4, Ubmeje, njukčamánu 7.-8.b. 2015.

 

SNF stivra:

Alexandra Artieva, Lujávri

Neeta Jääskö, Anár, dál Oulu

Risten Lango, Šuoššjávri, dál Skarnes

Gudrun E E Lindi, Kárášjohka

Märgge Uttjek, Ubmeje