Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

Seamma olu nisson- ja almmáiolbmuid gielddastivrii ja fylkkadiggái!

Risten LangoNorggas ávvudeimmet jagis 2013 go nissonolbmuin lei 100 jagi čađa leamaš lohpi jienastit. Dattege leat sakka unnit nissonolbmot go almmáiolbmot eanaš dálá gielddastivrrain ja fylkkadikkiin. Manne son nu, go eanaš válgalisttain han leat seamma olu nisson- ja almmáiolbmot?Gudrun E Lindi

Sivvan dasa ahte almmáibealli veadjá, lea ahte almmáiolbmot ožžot olu eanet liigejienaid (kumuleremiid) go nissonolbmot go jienastuvvo válggain.
Jienastanlihpus čilgejuvvo guđe láhkai lea lohpi rievdadit jienastanlihpu. Lea lohpi russet dan olbmo bokte listtas geasa háliidat addit liigejiena, ja lea lohpi čállit gitta vihtta nama olbmuin gean doarjut eará listtain. Go juo bellodagaid oktasaš mihttomearrin lea oažžut seamma olu nisson- ja almmáiolbmuid gielddastivrii, de galggašii jáhkkit ahte livččii dehálaš čalmmustahttit ahte sihke almmáiolbmuide ja nissonolbmuide sáhttá liigejiena addit. Muhto jienastanlihpu čilgemušas eai leat earágo almmáiolbmuid namaid bidjan ovdamearkan.
Sáhttá go dás vuolgit ahte almmáibealli veadjá? Dákkár ovdamearka beaitá dan ahte livččii leat vejolaš liigejiena russet nissonolbmuidege. Berit Ås lea oahpahan ahte njunuš cakkadanvuohkin lea nissonolbmuid dahkat oaidnemeahttumin. Jienastanlihpu iešalddis lea čielga ovdamearkan dasa ahte oaidnemeahttumin dahkan geavvá dakkár oktavuođain gos galggašii vuordit ahte almmái- ja nissonolbmuid gaskasaš dásseárvu gozihuvvo bienasta bitnii. Pedagogihkas dát gohčoduvvo ”čiegus sáttasátnin”. Ovdamearkka fápmu muitala ahte dušše almmáiolbmuid galgá kumuleret. Mii áigut jienastanlihpuid hábmema fástideaddjiid bivdit dán njulget boahtte válgii.
Datge lea sodjun ahte válgalisttaid njunušin leat eanaš almmáiolbmot. Go gielddat vuolidit gielddastivraáirasiid logu, ballat ahte nissonáirasiid lohku njiedjá gielddastivrras oppalaččat.
Danin lea erenoamáš dehálaš ahte mii geat atnit fuola nisson- ja almmáiolbmuid gaskasaš dásseárvvus gielddastivrrain ja fylkkadikkiin, atnit vuoigatvuođamet russet liigejiena daid nissonolbmuid bokte gean háliidat doarjut. Jos eat bija liigejienaid nissonolbmuide, de olggušteapmi sohkabealjuogadeami bokte joatká. Davvi Nissonuniversitehta ja Sámi NissonForum hástalat kumuleret nissonolbmuid válgabeaivvi. Russe liigejiena nissonolbmuide!

Kjersti KvalvikKjersti Kvalvik
Davvi Nissonuniversitehta stivrajođiheaddji www.kvinnor.no

 

 

 

 

Gudrun E E Lindi ja Risten Lango Sámi NissonForum (SNF) stivra

Gudrun E LindiRisten Lango

 

 

 

 

 

 

 

 

 

 

 

 

 

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>