Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

SNF skeŋke 1,2 jahkedoaimma nuvttá sámeservodahkii

Foto 1 SNF samarbeid ovttasbargu IIWFSNF-Sámi NissonForum buvttii dán ovdan Sámedikki finánsalávdegoddái čoahkkimis 17.11.15 ja ákkastalai oažžut lasihuvvot organisašundoarjaga. Dán jagi doarjja SNF:ii lea 170 000 ru. SNF lea rehkenastán ahte vihtta stivralahttu jahkásaš organisašunbargu vástida 430 000 ru. ovdii; nuvttá bargu njealji riikka sámenissoniid beales. SNF ruhtadilli organisašuvdnan ii leat dássážii addán vejolašvuođa bálkáhit bargi.

Dárbbašuvvo lasi ruhtadeapmi, vai stivralahtut besset loahpahit iežaset duppalbarggu: Lassin iežaset beaivválaš bargui (mas lea dienas) eai galgga dárbbašit bargat organisašuvdnii astoáiggis ja basiin birra jagi (nuvttábargu), nu go stivra dál ferte. Eai dáidde leat eará sámi organisašuvnnat mat dán mađe barget riikkaidgaskasaš sámepolitihkalaš nuvttábarggu.

SNF lea áidna nissonorganisašuvdna mii bargá njealji riikkas ja mas leat stivralahtut njealji riikkas. Ja dušše SNF lea juohke jagi 1998 rájes uhcimusat oktii jahkái čohkken maiddái Ruošša beale sámenissoniid ságastallat áššiin mat gusket sámenissonidda. SNF lea maiddái searvan ovttasbargui globála eamiálbmotnissonfierbmádagain IIWF/FIMI, buoridan dihtii eamiálbmotnissoniid dili oppalaččat. Servviid oktasaš barggut buktet lassiváikkuhusaid eamiálbmotservodagaide miehtá máilmmi. Nissonsearvvit fertejit de oažžut vejolašvuođa leahket aktiiva vai sáhttet váikkuhit.

Almmolaš ásahusat sihke Norggas ja Ruoŧas jerret SNF oassálastit bargojoavkkuin ja lávdegottiin, vai sámenissoniid jietna gullo ja sámi nissonperspektiiva boahtá oidnosii. Dát lea demokratiija. SNF ilosmuvvá go leat joksan dákkár luohttámuša ja stáhtusa sihke Oslos ja Stockholmmas.

SNF vuordá ahte sámedikkitge árvvus atnet barggumet eamiálbmotnissonorganisašuvdnan. Mii leat dehálaš jietnan, ja mis galgá leat vuoigatvuohta ieža ovddidit iežamet áššiid ja nu searvat ovdánahttit servvodagaideamet. SNF dálá ruđalaš dilli hehtte dán.
Eamiálbmotnissonservviid bargguin miehtá máilmmi veadjá leat iešguđet vuolggasajit ja iešguđet eavttut, muhto mis lea oktasaš bargu: Nannet olmmošvuoigatvuođaid ja nissoniid vuoigatvuođaid joksan dihtii dásseárvvu ja ovttadássásašvuođa.

SNF-Sámi NissonForum stivra: Gudrun E E Lindi, Märgge Uttjek, Risten Lango, Alexandra Artieva, Neeta Jääskö.

 

Govva 1: Eamiálbmotnissonservviid ovttasbargu ovdána, dá čoahkis New Yorkas cuoŋománus 2015. SNF:as lea nuppes leamaš oahppi IIWF/FIMI lágidan eamiálbmotnissoniid vástesaš jođiheaddjiskuvllas.

Foto 1 SNF samarbeid ovttasbargu IIWF
Govva 2: SNF stivralahttu Risten Lango (olgeš b.) ja Suoma sámediggepresideanta Tiina Sanila-Aikio. IIWF/FIMI doaluin cuoŋománus 2015, New York.

Foto 2 SNF Risten Lango Tiina Sanila Aikio

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>