Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

SNF Seminára ja jahkečoahkkin geassemánu 8.-12. b. 2016

snf-murm-61SNF-Sámi NissonForum Ubmeje-jahkečoahkkin njukčamánus 2015 mearridii ahte SNF seminára ja jahkečoahkkin 2016 galgá leat Murmánskkas. SNF oasseváldit áigot maiddái galledit sámi gili Lujávrri, Sámi geassemárkaniin geassemánu 11.-12.b. 2016.  SNF sávvá miellahtuideamet bures boahtin dán jagáš deaivvadeapmái!

Doaluid plánet ná:

Miellahtuid visum-, mátke- ja orrungoluid máksit. Juohkehaš máksá iežas oasi sullii 1000 nkr.

Dieđihan- ja visumohcanskovi fertet oažžut cuoŋománu 18.b. rádjai 2016.    Miellahtoruhta 2016 ferte leat mákson cuoŋománu 10.b. rádjai 2016.  Sáhtát ain odne 19.04. dieid ordnet, geahča

Miellahtut ožžot sáddejuvvot dieđuid šleađgapoastta bokte. Sáddes šleađgapoastta jos dáhtot šaddat miellahttun: snf@trollnet.no  Loga lahttovuođamáksámušaid birra dás

SNF Facebook-siidu dás 

Prográmma:

Gaskavahku geassemánu 8.b. di.14 (áigi sáhttá rievdat):Bussemátki Kirkonjárga-Murmánska  (230 km). Lea guokte tiimma áigeerohus, nu ahte go joavdat Murmánskii di.19 (norgga áiggi) de lea tiibma doppe 21.  Mátki bistá su. vihtta tiimma rádjarasttildeami, visumdárkkistemiid ja bottuid dihtii.

FUOM! Oasseváldit fertejit ieža lágidit iežaset mátkki Kirkonjárgii. Dainna eavttuin ahte oažžut prošeaktaruhtadeami, de sáhttet miellahtut ohcat gokčot mátkegoluin oasi mátkkis Kirkonjárgii ja fas Kirkonjárggas ruoktot.

Rávvet nu árrat go vejolaš tiŋgot girdimátki. Ovdamearkan:

Girdi Oslos Kirkonjárgii gaskav. geassemánu 8.b.: di. 11 (SAS) ja di.  11.30 (Norwegian)

Girdi Kirkonjárggas Osloi sotnab. geassemánu 12.b.: di. 20.25 (SAS)

Duorastaga geassemánu 9.b.- bearjadaga 10.b.: Seminára, jahkečoahkkin ja čájáhus Murmánskkas.  Čoahkkin, idjadeapmi ja borramat hoteallas guovdo Murmánskka gávpoga. Gaskaboddosaš prográmma almmuhuvvo dás farggabáliid ja sáddejuvvo šleađgapoastan miellahtuide.

Lávvardaga geassemánu 11. b., iđđedis: Bussemátki Lujávrái. SNF oasálastá miniseminárain Sámi geassemárkaniin, ja maiddái čájáhusain ja guoimmuhemiin.  Idjadeapmi Lujávrris.

Sotnab, geassemánu 12.b. di.10 (áigi sáhttá rievdat):

Bussemátki Lujávri-Murmánska (170 km)

Bussemátki Murmánska-Storskog, ja viidásabbot Kirkonjárgii. Joavdat Storskogii (rádjarasttildeapmi) maŋimustá di.18 norgga áiggi (di.20 ruošša áigi). Kirkonjárggas Storskogii (rádjái) lea 15 km.

Visum Ruššii:

Várut ahte du pássa lea fámus ain guhtta mánu maŋŋil geassemánu mátkki.

Loga dás visumohcangáibádusaid birra (Norggas): http://www.albatros.no/mátkimaal/europa/russland/visum

Ohcama mielde galget:

  1. Lobálaš pássa
  2. Mátkedáhkidanduođaštusa kopiija, mii čájeha du nama ja guđe dáhtonii gusto.
  3. Pássagovva

Mii sáddet visumohcanskovi eanet dieđuin miellahtuide guđet áigot searvat mátkái. Bivdit ahte don válddát oktavuođa buori áiggis ovdal dieđihanáigemeari, mii lea cuoŋománu 18.b.

Sádde šleađgapoastta deike: snf@trollnet.no

 

Doaluid lágidanlávdegottis:

Alexandra Artieva

Gudrun E E Lindi

Valentina Sovkina

Govva lea mannan háve go SNF lágidii iežamet jahkásaš seminára ja jahkečoahkkima Murmánskkas. Dat lei jagis 2007.

snf-murm-6

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>