Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

Sámenissoniid vuoigatvuođaid ja resurssaid ovdáneapmi 100 jagis; 1917-2017

 

-SNF ávžžuha SPR ja Sámiráđđi – Tråante guovvamánu 2017 ávvuvahku oktavuođas –  lágidit konferánssa sámenissoniid vuoigatvuođaid ja resurssaid ovdáneamis 100 jagis; 1917-2017. 

Sámi parlamentáralaš ráđđi  (SPR)

Norgga Sámediggi

Suoma Sámediggi

Ruota Sámediggi

Sámiráđđi

-SNF ávžžuha SPR ja Sámiráđđi – Tråante guovvamánu 2017 ávvuvahku oktavuođas –  lágidit konferánssa sámenissoniid vuoigatvuođaid ja resurssaid ovdáneamis 100 jagis; 1917-2017.

SNF vuordá ahte sámenissoniid vuoigatvuođat, resurssat ja vávut ožžot stuorra fuomášumi Tråante 2017-doaluin, mat ávvudit 1917-čoagganeami man Brurskanken Sámi Nissonsearvi Elsa Laula Renberg jođihemiin ožžo áigái oktan vehkiideasetguin.

2017-ávvudeapmi berre leat dehálaš lávdin loktet sámenissoniid diliid ja servodatrolla almmolaš digáštallamii.

SNF stivra ovddida danin ávžžuhusa SPR:ii, sámedikkiide ja Sámiráđđái fuolahit ahte okta guovvamánu 2017 ávvuvahku váldodoaluin gártá leat konferánsa sámenissoniid diliid ovdáneamis vuoigatvuođaideaset ja resurssaideaset hárrái 1917 rájes 2017 rádjai.

Dan oktavuođas atnit lunddolažžan ahte SNF ja eará sámi organisašuvnnat mat barget ovddidit nissonolbmuid áššiid ja sohkabealdásseárvoáššiid bovdejuvvojit daid doaluide.

Bivdit ahte dát breva fuolahuvvo buot sámediggeáirasiidda, sin várrelahtuide ja bellodagaide/-listtaide ja Sámiráđi lahtuide, várrelahtuide, lávdegottiide ja miellahttoorganisašuvnnaide.

Dearvvuođaiguin Sámi NissonForum stivra:

Alexandra Artieva                        Märgge Uttjek

Gudrun E Eriksen Lindi                           Neeta Jääskö                                            Risten Lango

 

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>