Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

SNF-Sámi NissonForum

SNF vuođđuduvvui fierbmádahkan 1993:s – dál 24 jagi dassái, ja miehtá-Sámi organisašuvdnan 1998:s.

SNFs  leat stivralahtut njealji riikkas: Ruoŧas, Norggas, Suomas ja Ruoššas. Jagis 2010 atnigođiimet iežamet maiddái njealji riikka sámenissoniid gealbu- ja resursaguovddážin, danne go mi gaskkustat gelbbolašvuođa, návccaid ja áŋgirvuođa iežamet stuora nissonfierbmádagas. Dađi bahábut eat leat ekonomalaččat nagodan bálká máksit eatge bálkáhit bargi(id). Sámi nissonpolitihkalaš barggus, mediagaskkusteamis j servodatdigaštallin leat ain searvamin iežamet bálkákeahtes bargbu bokte.  SNF bargu muđui leat mearreduvvon áiggi ovttaskas prošeavttat masa ohcat sierra ruđa, ja masa mii bidjat olu nuvttá návccaid ja resursaid.

SNF oažžu  doaibmadoarjaga Norgga Sámedikkis.

SNF bargu lea dán 24 jagis danin eanaš doaimmahuvvon eaktodáhtolaš astoáiggi bargun min luohttámušolbmuid ja miellahtuid beales, ja dát lea diehttelas gáržžidan SNF bargo- ja ovdánahttinvejolašvuođaid ja hehtten kontinuitehta barggusteamet. Nu eat leat bastán oažžut dan stáhtusa ja coavcci mii miehtá-Sámi nissonorganisašuvnnas galggašii leat, sihke riikkasis ja riikkaidgaskasaččat.  Dan čujuheimmet ohpihii juovlamánus 2010 – dan oktavuođas go lei 100 jagi dan rájes go vuosttas sámi nissonsearvi vuođđuduvvui norgga bealde.  Dakkár áššit ja fuomášumit eai gullošii eaige beakkešii jos SNF ii livččii – guhte lokte dološ ja dálá sámenissoniid ja sámi nissonáššiid beaivečuvgii ja čuvge dás mediai.

SNF álggaha ja čađaha prošeavttaid, buktá cealkámušaid, searvá iežamet gelbbolašvuođain iešguđet oktavuođaide ja oassálastá guovlolaš, našuvnnalaš ja riikkaidgaskasaš konferánssaide ja semináraide. Nu áimmahuššat ahte sámenissoniid jietna gullo. Máŋga jagi bargu dahká ahte SNF dovdá bures iešguđet guovlluid sámi nissonolbmuid kultur- ja árgabeai’eallima ja eallineavttuid.

Iežamet barggu ovddas SNF beasai váldit vuostá Sámi parlamentáralaš ráđi dásseárvobálkkašumi 2012, 5 jagi dassái. Bálkkašupmin lei 10 000 euro ja govvadáidda, ja geigejuvvui Sámi albmáidkonferánssas Romssas skábmamánus 2012.

SNF ovddasta Sámi regiuvnna Kvinneuniversitetet i Norden - Davviriikkaid Nissonuniversitehta vuođđudusa stivrras, 2011 rájes.

SNF lea maiddái Norgga Nissonlobby – Norges Kvinnelobby  miellahttun, 2013 rájes.

SNFs lea áirras Norgga Dásseárvo- ja vealahanáittardeaddji geavaheaddjilávdegottis 2014-16. Lea jotkojuvvon 2017-2018.

SNF stivralahtut 2015-2017 leat:

Gudrun E E Lindi, Kárášjohka, Alexandra Artieva, Lujávri, Neeta Jääskö, Anár, Risten Lango, Oslo ja Margaretha (Märgge) Uttjek, Ubmeje/Umeå.

Várrelahtut leat EllaCarin Blind, Ubmi, Anna Igontova, Lujávri ja Inga Ravna Eira, Kárášjohka.

Sámi NissonForum Facebook-joavku dá!

Searvva fal miellahttun!

Čális midjiide sáme-, dáro-, ruošša- ja guđe fal gillii ihkinassii: snf@trollnet.no

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>