Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

Elsai gudnin

29.11. 2017 lea 140 jagi dassái go Elsa Laula Renberg (1877-1931) riegádii.Ja skábmamánu 29. b. lea jagis 2017 mearriduvvon leat almmolaš sámi flávdabeaivin. Bovdet searválagaid čalmmustahttit ja ávvudit ođđa sámi flávdabeaivvi ja sámepolitihkalaš ofelačča Elsa Laula Renbergga. 

SNF 2017 Seminára. Jahkečoahkkin. Mii deaivvadat Romssas juovlamánus!

Čoahkkinbeaivvit Romssas leat juovlamánu 15.,16. ja 17. b. Dieđihanáigemearri (guhkiduvvon!): Vuosárgga skábmámánu 6. b. 2017. Háliidat go miellahttun? NOK/SEK 150 / 17 Euro. Mávsse ná:  http://www.saminissonforum.org/oktavuodadiedut/ Bovdehusa, dieđuid ja dieđihanskovi sáddet Sámi NissonForum miellahtuide šleađgapoasttain. Bures boahtin miellahttun ja bures boahtin SNF doaluide Romssas! Oktavuohta š-poasttain: snf@trollnet.no Doalut Njeazzegirjjis dás   

Oaiviladdinčoahkkin: Doaibmabijut veahkaválddálašvuođa vuostá lagaš birrasiin

SNF lea bovdejuvvon čoahkkimii Guovdageidnui vuosárgga golggotmánu 30. b. 2017. Loga čoahkkima birra dás.  Čoahkkin lea vuolgán dán rapportta vuođul “Om du tør å spørre, tør folk å svare”  mii ovdanbuktojuvvui njukčamánus 2017. Raportta birra Ávvir-aviissa artihkkal dás

Ristenii lihkkusávaldagat!

Sávvat olu lihku riegádanbeaivái Ráikku Iŋggá Ristenii, Risten Langoi!  Son lea SNF stivralahttu. Sus lea ávvubeaivi, ja ieš nuorra dego suoidni!

Seminára ja jahkečoahkkin 2017 maŋiduvvon skábmii

SNF seminára ja jahkečoahkkin 2017 leat maŋiduvvon.

Seminára ja SNF jahkečoahkkin Roavvenjárggas čakčamánu 15.-17.b. 2017

SNF sávvá miellahtuid, logaldalliid ja gussiid bures boahtin seminárii ja SNF jahkečoahkkimii 2017.  Dán jagi lea sámenissoniid deaivvadanbáiki City Hotel, Roavvenjárga, Suoma bealde. Seminára ja jahkečoahkkin leat čakčamánu 15. ja 16. b.

SNF searvá Arendalvahkkui dán jagige

SNF searvá dán jagi ge Arendalvahkkui, nu go mannan jagi, ovttas Dásseárvo- ja vealáhusáittardeaddji geavaheaddjilávdegotti eará organisašuvnnaiguin. Loga lávdegotti barggu birra dás Borgemánu 15. b. lea geavaheaddjilávdegotti doalut Arendalas, ja dá lea prográmma Arendalvahkus leat ollu doalut, maid birra logat dás “Arendalsuka skal være en årlig nasjonal arena hvor aktører innenfor politikk, samfunns- og næringsliv møter hverandre og [...]

Alexandra 40-jagi ávvobeaivi !

Sávvat SNF stivralahttui Alexandra Artievai, guhte iežas bearrašiin orru Lujávrris, olu lihkku 40-jagi riegádanbeaivái odne ja buot buriid boahtte áigái! Giitit du barggu ovddas Sámi NissonForumas – sávvat  dutnje dearvvašvuođa ja ahte don ain searvvat min organisašuvdnii buriin bargomovttain ja -searaiguin!

Lihkkusávaldagat Láilái!

Láilá lea ovdavázzi – ja nu álo njunnošis das man beale son lea čuolahan ja ain lea čuolaheamen. Su 75 jagi riegádanbeaivvi oktavuođas miessemánu 22.b. 2017 čalmmustahttit muhtun guovddáš servodatsurggiid main son lea áŋggirdan.

SNF-Sámi NissonForum

SNF vuođđuduvvui fierbmádahkan 1993:s – dál 24 jagi dassái, ja miehtá-Sámi organisašuvdnan 1998:s.