Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

Miellahttovuohta

Sámi NissonForum miellahttovuođa mávssát ná (FUOM! muitte namat bidjat referánsan):

 Loga lahttovuođa máksámuša birra dás 

Dahje váldde minguin oktavuođa: snf@trollnet.no

 

Lahttovuođa mávssát ná:

  •  Norga/Norge 150 nkr:
  • Ruoŧŧa/Sverige 150 SEK
    • DnB kontonr Norggas: 0540.06.51819

IBAN: NO46 0540 0651 819                          

DNB Bank ASA, Box 1600, Sentrum, N-0021 Oslo  BIC/SWIFT: DNBANOKKXXX                                                         

 

Suomi/Finland 17 Euro

 POP Utsjoki 564173-23071

 IBAN: FI45 5641 7320 0030 71, Pohjolan Osuuspankki, FIN-99980 Utsjoki

 

Dearvvuođaiguin / Med hilsen

Stivra/ Styret

SNF-Sámi NissonForum/ Samisk KvinneForum /Sami Women’s Forum

 Čuj./Adr. P.b. 110,   N-9735 Kárášjohka/Karasjok

 E-mail: snf@trollnet.no

 www.saminissonforum.org

 

 NJUOLGGADUSAT 

 

§ 1. SNF-Sámi NissonForum

Vuođđuduvvon sámi nissonfierbmádahkan guovvamánu 6.b. 1993 Kárášjogas, ja sámi organisašuvdan geassemánu  23.b. 1998 Háštás.  Njuolggadusat dohkkehuvvon Háštá jahkečoahkkimis geassemánu 23.b.  1998, ja maŋimuš rievdaduvvon Romssa jahkečoahkkimis golggotmánu 27.b. 2013.

 § 2. ULBMIL

Sámi NissonForum ulbmilin lea:

  • Nannet nissonolbmuid oassálastima ja váikkuhanválddi sámi báikegottiin, vuođđuduvvon sámegiela ja -kultuvrra ala
  • Oahpahit ja movttiidahttit sámenissoniid áŋgiruššat ja doaimmahit ovdánahttinbarggu iežamet eavttuid mielde
  • Dokumenteret sámenissoniid eallima ja bargguid, sihke historjjálaččat ja odne
  • Čalmmustahttit sámenissoniid dearvvasvuođa ja dearvvasvuođa- ja sosiála-gažaldagaid sámi servodagas, nugo vuorasolbmuid ja sin oapmahaččaid dili ja barggu veahkaválddi vuostá maid mánát, nieiddat ja nissonolbmot gillájit
  • Ohcat ovttasbarggu servviiguin, organisašuvnnaiguin, ásahusaiguin ja fierbmádagaiguin main lea seammá ulbmil

 § 3. LAHTTOVUOHTA

Sámenissonat geat atnet iežaset sápmelažžan, sáhttet leat dábálaš lahttun. Earát sáhttet leat doarjjalahttun.

§ 4: LAHTTOMÁKSU
Lahttomáksu máksojuvvo vuosttas jahkebeali kaleanddarjagis ja ovdal jahkečoahkkima. Jahkečoahkkin mearrida lahttomávssu sturrodaga.

§ 5:  VÁLGADOHKÁLAŠVUOHTA JA JIENASTANRIEKTI
Sus guhte lea deavdán/ deavdá 15 jagi kaleanddarjagis ja guhte lea leamaš dábálaš lahttun unnimustá golbma mánu, lea jienastanriekti jahkečoahkkimis. Su lea maid vejolaš válljet stivrii. Ii sáhte válljejuvvot sáttatolmmožin ovdal go deavdá 18 jagi. Doarjjalahtuin lea dušše evttohan- ja hállanriekti, iige jienastanriekti.

§ 6:  STIVRA
Stivra jođiha Sámi NissonForum. Stivrras leat vihtta lahtu guđet válljejuvvojit guovtti jahkái ain hávil. Go stivra vuođđuduvvo, válljejuvvo maiddái jođiheaddji. Stivrras lea mearridanváldi go unnimustá golmmas, oktan várrelahtuiguin, leat čoahkis.  Stivra lea geatnegahtton doahttalit sierra njuolggadusaid stivrra bargui maid jahkečoahkkin lea dohkkehan.

§ 7:  JAHKEČOAHKKIN
Jahkečoahkkin lea Sámi NissonForum alimus orgána ja dollojuvvo juohke jagi.  Jahkečoahkkimii gohččojuvvo njeallje vahku ovdal. Jahkečoahkkináššebáhpárat sáddejuvvojit maŋimustá guokte vahku ovdal.
Jahkečoahkkin galgá meannudit:
- Maŋimus áigodaga dieđáhusa
- Doaibmaplána
- Maŋimus áigodaga dárkkistuvvon rehketdoalu
- Bušeahta
- Lahttomávssu sturrodaga
- Árvaluvvon áššiid
- Válljet vihtta (5) stivralahttu ja golbma (3) várrelahttu
- Válljet golmma olbmo válgalávdegotti
Jahkečoahkkimis lea mearridanváldi daiguin lahtuiguin geat leat boahtan ja geain lea jienastanriekti. Árvaluvvon áššit maid jahkečoahkkin galggašii meannudit fertejit leat stivrra hálddus maŋimustá golbma vahku ovdal jahkečoahkkima.

§ 8:  SIERRA JAHKEČOAHKKIN
Gohččojuvvo sierra jahkečoahkkimii jos stivra dahje goalmmát oassi lahtuin, geain lea jienastanriekti, dan gáibidit.

§ 9:  NJUOLGGADUSAID RIEVDADEAPMI
Njuolggadusaid rievdadeapmi ferte leat almmuhuvvon gohččumis ja gáibida guokte goalmmát oasi eanetlogu jahkečoahkkimis.

§ 10:  HEAITTIHEAPMI

Sámi NissonForum  heaittiheapmi  ferte leat almmuhuvvon gohččumis ja gáibida guokte goalmmát oasi  eanetlogu jahkečoahkkimis. Heaititiheamis galgá Sámi NissonForum opmodat geavahuvvot dan atnui maid jahkečoahkkin mearrida.