Sámi NissonForum

Bures boahtin seminárii ”Vuosterávdnjái hávgajávrris!”

Rabas seminára Kárášjoga kulturviesus, vuosárgga. njukčamánu 02.03.2009 di. 18-21.
Di. 17 rájes: Kafeá, govvačájáhus, girjevuovdin ja –nammačállin.
• Prof. Berit Ås: Ávvologaldallan ”Jurddašeaddji nissonolbmot – gávdnojit go sii?”. Su 80 jagi-doalut lea johtin birra Norgga. Áidna galledanbáiki Nesna davábeal davvi-Norggas ja Sámis lea Kárášjohka!
• 20 jagi sámi nissonmobiliserema birra, Laila Somby Sandvik ja Gudrun E E Lindi
• Paneladigaštallan: Berit Ås ja sámediggepolitihkárat, NSR: Aili Keskitalo, SáB: Terje Tretnes, Bargiidbellodat: Bjarne Store-Jakobsen ja Johttisápmelaččaid Listtus.
• Dearvvuođat Berit Ås:ii. Guoimmuheapmi.
Čoahkkinjođiheaddji: Vigdis Stordahl.
Sámi-/dárogiel simultánadulkon. Kárášjoga Nisson- ja Bearašsearvi lágida kafeá.
Lág.: Norge Rundt med Berit Ås / SNF-Sámi NissonForum
Loga eanet Birra Norgga Berit Ås:ain

annonse_nettside2

2008 jahkečoahkkin Roavvenjárggas nammadii SNF stivrra bargojoavkun hábmet Sámi NissonForuma višuvnnaid ja golmmajágáš Strategiijaplána, áigodahkii 2010-2012. Loga eanet SNFa višuvnnat ja Strategiijaplána 2010-2012

SNF-Sámi NissonForum lágida seminára “Sámenissonat girjjálašvuođas ja oskkus” vahkus 40/2009 Romssas, Norgga bealde. Doalut leat biddjon dan vahkui go Ordkalotten-girjjálašvuođafestiválage lágiduvvo Romssa gávpogis www.ordkalotten.no

SNF 2009 Jahkečoahkkin dollo seminára oktavuođas. Dan mearridii SNF mannan jagi jahkečoahkkin skábmamánu 1.-2.b. 2008 Roavvenjárggas. Loga eanet 2009 seminára ja jahkečoahkkin Romssa gávpogis

Kursa čađahuvvui Sámi Álbmotallaskuvllas (DSF) Kárášjogas ođđajagemánu 10.-11.b. 2009. Kurssa lágidii SNF vuođđudan prošeakta Arvedávgi – sámegiel lávdedáiddaforum, mas leat sierra neahttasiiddut www.arvedavgi.org   Govas Arvedávgi oassálastimin Sámi mánáidteáhterfestiválas Boazováris Ruoššas 2006.

Loga eanet Ohpihii lávdedáiddakursa Kárášjogas

Sotnabeaivve juovlamánu 14.b. 2008 lágiduvvui vuosttas ruošša sámiid oktasaš konfereansa Boazováris Guoládagas. Konfereanssa deháleamos áššin lei sámedikki ásaheapmi Guoládahkii. Loga eanet Ruošša Sámedikki ásaheapmi oažžu doarjaga

Sotnabeaivve juovlamánu 14.b. lágiduvvo stuorra sámekongreassa Boazováris Guoládagas, man deháleamos áššin lea sámi parlameantta ásahepmi Guoládahkii.  SNF doarju dán ásaheami.

Loga dás barggu birra ruošša bealde (ruoŧagillii)

Loga eanet SNF doarju Guoládat-sámiid barggu cegget iežaset sámeparlameantta

Dán čállá Sámiráđi neahttasiidu  www.saamicouncil.net  :

“Elsa Laula Renberga riegádanbeaivvis 29.11. sámi levgenbeaivi

Sámiid 19. konfereansa gieđahalai evttohusa, ahte Elsa Laula Renberga riegadánbeaivi 29.11. šaddá sámi levgenbeaivin ja sáddii ášši Sámi nášuvnnalaš symbolat -lávdegoddái.

Loga eanet Elsa Laula riegádanbeaivi 29.11. sámi levgenbeaivi

Sotnabeaivve skábmamánu 16.b. geigejuvvui Kárášjoga gieldda kulturbálkkašupmi 2008, SNFa stivrralahttui Julius-Iŋggá Gudrun Eliissái (govas). Son oaččui Mathis Nango dahkan govvadáidaga ja 10 000 n.ruvnnu. 

Loga eanet Julius-Iŋggá Gudrun Eliissá oaččui Kárášjoga gieldda kulturbálkkašumi 2008

SNF-Sámi NissonForum Norgga sáttatgotti mielde Arktalaš Ráđi SAO-čoahkkimis Guovdageainnus 19.-20.11.2008. Annele Gaup, Guovdageaidnu, ovddasta SNF.

Loga eanet Sámi NissonForum Árktalaš Ráđi SAO-čoahkkimis Guovdageainnus 19.-20.11.08