Sámi NissonForum

SNF-Sámi NissonForum Norgga sáttatgotti mielde Arktalaš Ráđi SAO-čoahkkimis Guovdageainnus 19.-20.11.2008. Annele Gaup, Guovdageaidnu, ovddasta SNF.

Loga eanet Sámi NissonForum Árktalaš Ráđi SAO-čoahkkimis Guovdageainnus 19.-20.11.08

SNF-Sámi NissonForuma breva Norgga, Ruoŧa ja Suoma Sámediggái ja Sámiráđđái 11.11.2008

Loga eanet Ohcala sámedikkiid ja Sámiráđi veahki bargui jugešvuođa vuostá

 SNF lea geigen dán jagáš ovdánahttinbálkkašumi juridihka-studentii, musihkkárii ja boazosápmelažžii Tiina Sanila-Aikio (govas). Tiina lea 25 jahkásaš Čeavetjávrri nuortasápmelaš Suoma bealde, ja bajásšattai bearrašis geat barget boazodoalloturismmain.  Ieš lea Tiina náitalan Anára boazosápmelaččain. Eanemus dovddus lea Tiina ‘máilmmi áidna nuortalaš nissonrockamusihkkarin’.

Loga eanet SNF ovdánahttinbálkkašupmi 2008 nuortasápmelažžii Tiina Sanila-Aikio

SNF jahkečoahkkincealkámuš nr. 6:
 
SNF-Sámi NissonForuma jahkečoahkkin imašta Roavvenjárgga-cealkámuša ovtta doahpaga, maid Sámekonferánsa gieskat mearridii Roavvenjárggas, mii čuodjá ná:

”Deattuha vel nissoniid ja boarrásiid dehálaš saji sámi kultuvrralaš bargguid ja máhtu hálddašeaddjin ja oahpaheaddjin.”

Loga eanet Roavvenjárgga-cealkámuša doahpagat ”nissonolbmot ja vuoras olbmot”

Sámiid áirasiid válljen riikkaidgaskasaš eamiálbmot-orgánaide, omd. ONa Eamiálbmotáššiid Bistevaš Forumii.

Loga eanet Sámiid áirasiid válljen riikkaidgaskasaš eamiálbmot-orgánaide

SNF jahkečoahkkincealkámuš nr. 4:

Nissonolbmot čoagganan SNF-Sámi NissonForuma jahkečoahkkimii oaivvildit ahte lea dárbu álggahit bargat doaibmaplána vuostálastit buotlágan jugešvuođa ja veahkaválddi maid bearaš gillá sámi servodagain. Eaktun lea ahte dasa juolluduvvo davviriikkalaš ruhta, vai doaibmaplána fátmmasta olles sámi álbmoga buot njealji riikkain. Bargu ferte čatnašuvvot gelbbolaš fágabirrasiidda ja sámi báikegottiide. SNF áigu bargat dan ovdii ahte plánabargu álggahuvvo 2009:s ja gárvana 2010:s. 

Seammás SNF atná buorrin dan maid ruošša RAIPON eamiálbmotorganisašuvdna lea oččodeamen áigái;  prošeakta ”Oahppat eallit alkohola haga”, mii galgá eastadit jugešvuođa Davvioarje-Ruošša eamiálbmotservodagain.  SNF mielas lea lunddolaš ahte prošeakta lea oassin doaibmaplánas. RAIPON stivralahttu, dr. Larisa Abryutina, buvttii ovdan prošeavtta  SNFa ”Sielu ráfi”-semináras Roavvenjárggas 31.10.-01.11.2008.  SNF mearridii ovttasbargat prošeavttas, mii galgá álggahuvvot pilotprošeaktan  golmma báikkis Davvioarje-Ruoššas, okta dain lea sámi gilli Lujávri.

Doavttir Larisa Abryutina gullá čukči-álbmogii Sibirijas ja lea RAIPON- Ruošša eamiálbmotlihttu stivralahttu, man váldokantuvra lea Moskvas. SNFa semináras “Sielu ráfi” Roavvenjárggas son buvttii ovdan prošeavtta ”Oahppat eallit alkohola haga”, maid RAIPON lea vuolggahan, ja mii plánejuvvo álggahuvvot golmma báikkis Davvioarje-Ruoššas. Olgeš bealde SNF stivralahttu ja Guolásat-ossodaga jođiheaddji Valentina Sovkina, Lujávri.

SNF jahkečoahkkincealkámuš nr. 3:

SNF-Sámi NissonForum registrere ahte olmmošgávppašeapmi lea okta dain storámus rihkkosiin lobihis vearjo- ja gárrenmirkkuidgávppašeami bálddas. Min buohkaid suorggaha ahte nissonolbmuid- ja mánáidgávpi lassána máilmmi dásis ja ahte váldoulbmilin dán gávppis lea prostitušuvdna.

SNFa jahkečoahkkin, čoagganan Roavvenjárgii Supmii skábmamánu 1.-2.b.2008, fasttáša dákkár olmmošgávppašeami ja bivdá ahte ráđđehusat riikaidgaskasaččat ražastit liiggás vai ožžot áigái doaibmabijuid láhkaduddjoma hárrái, lasi politiijaovttasbarggu hárrái ja sosialpolitihkalaš doaibmabijuid.

SNF jahkečoahkkincealkámuš nr. 2:

SNF-Sámi Sámi NissonForuma jahkečoahkkin, čoagganan Roavvenjárgii skábmamánu 1.-2.b.2008, sávvá buresboahtima láhkii mii 01.01.09 rájes gieldá sexagávppašeami Norggas.  Láhka lea stuorra olahussan doarus prostitušuvnna ja nissongávppašeami vuostá.

Ruoŧas lea leamaš sullasaš láhka 1999 rájes, mii lea buriid bohtosiid buktán. SNF hástala Suoma ja Ruošša Federašuvnna ráđđehusaid mearridit sullasaš lágaid doarus buotlágan prostitušuvnna vuostá.

SNF jahkečoahkkincealkámuš nr. 1:

Jagis 2009 leat sámediggeválggat sihke Ruoŧas ja Norggas. Dan oktavuođas leat Sámi  NissonForumas čuovvovaš gažaldagat maid áigut divvut bellodagaide boahtti mandáhtaáigodahkii:

1.  Man láhkai du bellodat definere sohkabealdásseárvvu ?
2. Lea go sohkabealdásseárvu vuoruhuvvon gažaldat du bellodagas?
3. Guđe doaibmabijuid áigu du bellodat mearridit álggahit vai joksá sohkabealdásseárvvu Sámedikkis ?
4. Guđe konkrehta doaibmabijuid lea du bellodat čađahan dálá mandáhtaáigodagas buoredit dásseárvvu Sámedikkis?
5. Lea go dásseárvu dehálaš gažaldat Sámi Parlamentáralaš Ráđđái,  ja jos lea, man láhkai ?
6.  Maid du bellodat áigu bargat čalmmustahttit dan ahte sohkeabealli ain lea mielde mearrideamen joksá go fámu ja váikkuhanválddi sámi servodagas?

SNF-Sámi NissonForum oaivvilda ahte Sámi Parlamentáralaš Ráđđi (SPR) berrešii bargagoahtit duddjot sierra doaibmaplána sohkabealdásseárvvu ovdii, mii gusto njealji riikkas. SPR dálá Doaibmaplána, mearriduvvon 2006, č. 2.9 Dásseárvu, cealká ee.

“Vai dásseárvobargu oažžu nannoset vuođu, áigu SPR álggahit viidáset ovttasbarggu daiguin, geat barget dásseárvvuin sámi servodagas.”

SNF ohcala barggu SPR beales doaimmahit duohtan dán áigumuša ja leat vuordagasas beassat mielde dán bargui. Loga eanet Sámi Parlamentáralaš Ráđi dásseárvobargu ja dásseárvobálkkašupmi