Buresboahtin Sámi NissonForum siidui!

Dát leat SNF-Sámi NissonForuma ođđa ruovttusiiddut mat leat áin barggu vuolde. Siidduid váldogiella lea davvisámegiella, muhto vehážiid mielde bohtet dieđut maiddái dáro-, ruošša- ja eaŋgalsgillii. Dál vuos leat sámegiel- ja dárogielsiiddut doaimmas. Gulahala áinnas minguin e-poastta bokte: snf@trollnet.no

SNF birra

Download Saminissonforum Brochure (Sami)

Download Saminissonforum Brochure (Finnish)

Download Saminissonforum Brochure (Norsk)

Gulahallan e-poastta bokte minguin: snf(at)trollnet.no

Gii lea SNF ?
Nissonolbmot sis-Finnmárkkus eret vuođđudedje SNF jagis 1993, álggos fierbmádahkan, das go sii dáhtto politihkain bargagoahtit iežaset gielddas ja guovllus. Sámi Nissonolbmuid Lista Kárášjogas, ceggejuvvon vuosttas sámediggeválgii Norgga bealde 1989, álggahii Sámi NissonForuma.

Jagis 1998 SNF šattai sierra organisašuvdnan (NGO). SNFas leat miellahtut njealri riikkas. SNFas ii leat sierra čállingoddi, iige oktage fásta bargi. Stivrralahtut jođihit barggu áŋgirit ja oskkáldasat.  Poastačujuhus lea: SNF, P.b. 110, 9735 Kárášjohka.

Maid SNF áigu?
SNF bargá dán ovdii:
- ásahit sámi resursaguovddáža mas leat sohkabeal- ja dásseárvoáššit guovddážis.
- nanosmahttit sámenissoniid váikkuhanválddi servodagas, sámegiella ja kultuvra vuođđun.
- movttiidahttit sámenissoniid áŋggirdit ja ahtanuššat iežamet eavttuid mielde.
- ahte sámenissoniid eallin- ja bargodilli, sihke ovdal ja dál, dokumenterejuvvo ja čalmmustahttojuvvo.

Maid SNF bargá ?
SNF doaibmá dál juo dego resursaguovddážin sámi nissoniid ja sohkabealdásseárvvu várás, muhto ain aivve fal eaktodáhtolaš, nuvttá doaibman. Manne ?
Danne go nissonáššiid ja dásseárvvu FERTE áimmahuššat maiddái Sámis.  SNF áigu joatkit bargat sierra ásahusa ovdii gosa čohkke máhttu ja dieđuid.

Maid doaimmahat:

Gaskkustit ja oidnosin dahkat nissonolbmuid eallima:
-Ilbmadat Gába, dáro-/sámegiel áigečállaga, 1996 rájes.
-Oassálastit konferánssaide davvin ja muđui máilmmis. Geassit 2008 SNF lei Women’s Worlds doaluin Madridas.
-Gaskkusteapmi e-poastta, neahttasiiddu ja Facebook bokte.

Fuopmášuhttit ja čuvget:
-Sihke ižamet miellahtuide ja servodahkii muđui.
-SNF vuolggahii jurdaga ja jođihii barggu lágidit Sámi Dásseárvokonferánssa Oslos cuoŋománus 2007.

Ovttasbargat:
-SNF:as lea sierra ossodat Guoládagas Ruoššas, ja SNF váldá árjjálaččat oasi barentsguovllu ovttasbargodoaimmain.
-SNF ovttasbargá báskalaš nissonorganisašuvnnain Bilgune Feminista, Euskal Herria.
-SNF lea Norgga Nissonlobby lahttu. SNF lei mielde vuođđudeamen Davvi Nissonuniversitehta ja lea mielde stivrras.

Gudnejahttit nissonolbmuid – ja albmáid:
-Juohke jagi geiget SNFa ovdánahttinbálkkašumi sutnje dahje sidjiide geat ovddidit dásseárvvu ja ovttaárvosašvuođa.

Sámi nissonolbmot deaivvadit:
-Jahkečoahkkin oktan seminárain gos ságaškuššat áššiid main njealji riikka sámenissonat beroštuvvet.
-Čoahkkimat leat leamaš Háštás, Anáris, Kárášjogas, Romssas, Lujávrris, Jämtlánddas, Murmánskkas, Roavvenjárggas,Stockholmmas, Bassi Biehtárgávpogis. Jagis 2015 čoahkkanat Ubmii.

Ruhtadeapmi:
-SNF oažžu jahkásaš doaibmaruđa Norgga Sámedikkis. Jagis 2015: 170 000 nkr.
-Prošeavttaid ruhtadat doarjagiiguin maid SNF ohcá, ee.  Barentsčállingottis, Olgoriikadepartementtas ja Sámedikkis, Norgga bealde.